news_header_bot
Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
news_top
Ленинград өлкәсендә Бөек Ватан сугышында һәлак булган татарларны ачыклау дәвам итә
Бүгенге көндә Татарстаннан чакырылган 16570 яугир исеме билгеле
Скопировать ссылку
(Санкт-Петербург, 24 март, “Татар-информ”, Зәрия Хәсәнова). Татарстан Республикасының Санкт-Петербург һәм Ленинград өлкәсендәге Даими вәкиллеге Ленинград өлкәсендә Бөек Ватан сугышында һәлак булган татарларны ачыклауны дәвам итә. Бер үк вактытта, яугирләрнең исемен мәңгеләштерү буенча да эш алып барыла. Бүгенге көндә Татарстаннан чакырылган 16570 яугир исеме билгеле. Алар Бөек Ватан сугышында, Ленинградны саклауда һәм шәһәр камалышында һәлак булганнар һәм госпитальләрдә үлгәннәр. Күптән түгел 1942 -1943 елларда фин хәрби лагерьлары урнашкан Выборг районы Селезнев авылы территориясендә совет яугирләре күмелгәнлеге билгеле булды. Исемлектә һәлак булган 2029 яугир фамилиясе, аларның утызы татар милләтеннән яки Татар АССРыннан фронтка чакырылганнар. Оборона министрлыгы мәгълүматләренә караганда, 1941-1943 еллардагы чорда исемлектәге барлык яугирләр дә хәбәрсез югалганнар, әсирлектә һәлак булганнар һәм Финляндиядә күмелгәннәр. Татарстан Республикасының Санкт-Петербург һәм Ленинград өлкәсендәге даими вәкиле Шамил Әхмәтшин сүзләренә караганда, бу мәгълүматларның дөреслеген тикшергәннән соң, туганнарын эзләп табу өчен, исемлекне үзәк матбугатта бастырып чыгару күз уңында тотыла. Яугирләр күмелгән урында мемориаль плитә урнаштыру да каралган.
Кызыклы яңалыкларны күзәтеп бару өчен Телеграм-каналга язылыгыз
news_right_1
news_right_2
news_bot