Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Кытай консулына ТАССР төзелүнең 100 еллыгы медален тапшырды
Бүген Татарстан Республикасы Президенты Рөстәм Миңнеханов Кытай Халык Республикасының Казандагы Генераль консулы У Инцинь белән очрашты. Консул У Инцинь Татарстан башкаласында үз миссиясен тәмамлый һәм башка эш урынына юнәлә. Очрашу генконсуллык бинасында узды. Татарстан Республикасы Президентының матбугат хезмәте шул турыда хәбәр итә.
Рөстәм Миңнеханов У Инциньның Россия – Кытай мөнәсәбәтләре кысаларында Татарстан белән Кытай арасында хезмәттәшлекне ныгытуга керткән шәхси өлешен билгеләп үтте.
«Бүген Кытай Генераль консуллыгының безнең республикадагы дәүләт органнары белән хезмәттәшлеге бик югары дәрәҗәдә», – дип ассызыклады Татарстан Республикасы Президенты. Ул шулай ук Татарстанның Кытай партнерлары белән актив хезмәттәшлек итүен искәртеп үтте.
Аның сүзләренә караганда, соңгы елларда элемтәләр аеруча интенсив булды. «Сез бик яхшы нигез салдыгыз. Иң мөһиме, сездән соң килгән кеше шундый ук актив һәм инициативалы булсын. Татарстан белән КНР арасындагы хезмәттәшлекнең уңай үсеше киләчәктә дә сакланыр дип ышанам», – дип өстәде Татарстан Президенты һәм У Инциньга ТАССР төзелүнең 100 еллыгы медален тапшырды.
«Минем өчен бу бүләк – зур дәрәҗә һәм минем хезмәтемне генә түгел, ә безнең генконсуллык коллективының эшен дә югары бәяләү. Мин һәрвакыт Татарстанның тугры дусты булачакмын дип ышандырам», – диде У Инцинь.
Кызыклы яңалыкларны күзәтеп бару өчен Телеграм-каналга язылыгыз