Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Япониянең элеккеге Премьер-министры Синдзо Абэга һөҗүм иткәннәр, ул авыр яраланган
Нара шәһәрендә чыгыш ясаганда Япониянең элеккеге Премьер-министры Синдзо Абэга һөҗүм иткәннәр. Хәзер анда яшәү билгеләре беленми, дип яза Kyodo агентлыгы ашыгыч хезмәтләр вәкиленә сылтама белә.
Һөҗүм итүченең 41 яшьлек Тегуя Ямагами булуы ачыкланган. Ул элегрәк Японияне саклый торган Диңгез көчләрендә хезмәт иткән. Тимер юл вокзалында чыгыш ясаучы 67 яшьлек сәясәтче янына җинаятьче килгән һәм аркасына аткан. Аны тоткарлаганнар, аның гамәлләренең мотивлары турында хәзерге вакытта берни дә хәбәр ителми.
Нарада Абэ парламентның югары палатасына сайлау алды кампаниясе кысаларында Либераль-демократик партияне яклап чыгыш ясаган. Ул элек шушы партияне җитәкләгән. Сайлау 10 июльгә планлаштырылган һәм хәзер ул күчерелергә мөмкин.
- Синдзо Абэ 2006-2007 һәм 2012-2020 елларда Япониянең Премьер-министры вазифасында эшләде. Ул хөкүмәтне ил тарихындагы башка сәясәтчеләргә караганда иң озак вакыт җитәкләгән кеше.
Кызыклы яңалыкларны күзәтеп бару өчен Телеграм-каналга язылыгыз