Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кукмараның Ташлы Елга авылында музей ачарга җыеналар
Кукмараның Ташлы Елга авылында туып-үскән запастагы полковник, хәрби хезмәт һәм хезмәт ветераны, шигырьләр һәм «Ил көзгесе син, авылым, Ташлы Елгам!» китабы авторы Таһир Исмәгыйлев туган авылында музей ачарга хыяллана. Бу турыда «Хезмәт даны» газетасы сайтында хәбәр ителә.
«Минемчә, 500 еллык тарихлы авылым музейлы булырга лаек. Авылдашларымның, аеруча клуб мөдире Ләйсирә Газизуллинаның тырышлыгы нәтиҗәсендә берникадәр күләмдә экспонатларны тупларга да өлгердек. Музей өчен әлегә аерым бина булмаганлыктан, аларны вакытлыча клубка урнаштырып тордык. Киләчәктә урын табып, һәр экспонат турында мәгълүмат бирелгән альбом булдырырга телибез», – дип сөйләде ул.
«Күптән түгел оештырылган «Авыл көне» бәйрәмендә авылдашлар һәм кайткан кунакларга музей булдыру турында сөйләгән идем. Бу идеямне бертавыштан күтәреп алып, хәтта урамда бәйрәм барган мизгелдә дә чиратлап клубның эченә үтеп, андагы экспонатлар белән кызыксындылар, үзләренең балачакларын искә төшереп, хатирәләргә бирелделәр», – диде ул.
Кызыклы яңалыкларны күзәтеп бару өчен Телеграм-каналга язылыгыз