Кукмараның Лубян урман-техник көллиятендә чыгарылыш укучылары очраша
Скопировать ссылку
13 августта Лубян урман-техник көллиятендә чыгарылыш укучыларының традицион очрашуы узачак. Чара программасына көллият буйлап экскурсия, музейга бару, Кукмара муниципаль районының иҗат коллективлары катнашында концерт программасы һәм бәйрәм салюты кертелгән.
Чыгарылыш укучыларын теркәү 8.00 сәгатьтән 12.00 сәгатькә кадәр планлаштырылган. Бу турыда Татарстан Урман хуҗалыгы министрлыгының матбугат хезмәте хәбәр итә.
Искәртик, «Лубян урман-техник көллияте» дәүләт бюджет һөнәри белем бирү учреждениесенә 1921 елда нигез салына. Бу вакыт эчендә көллияттә 9,6 меңнән артык белгеч укытып чыгарылган.