Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Конституция суды яңа төбәкләрдә яшәүче украиннарны Россия гражданнары дип таныды
Украина гражданнары һәм Донецк, Луганск Халык Республикалары, Херсон һәм Запорожье өлкәләрендә даими яшәүче гражданлыгы булмаган затлар әлеге субъектлар Россиягә кабул ителгән көннән РФ гражданнары дип таныла. Бүген Конституция суды сайтында урнаштырылган карарларда шулай диелә.
Искәрмәләр дә каралган – документ нигезендә, украиннар бу көннән соң бер атна эчендә үзләренең һәм балигъ булмаган балаларының башка төрле гражданлыгын саклау яки гражданлыгы булмаган затлар булып калу теләге турында белдерә ала.
«Бу шулай ук Россия Федерациясе Конституциясенә, шул исәптән аның 6нчы маддәсенә каршы килми, чөнки Россия Федерациясенә кабул итү көненә булган гражданлыктан баш тартырга мәҗбүр итми», - диелә Донецк, Луганск Халык Республикалары, Херсон һәм Запорожье өлкәләренә кагыла торган карарларда.
Искәртеп узабыз: «Татар-информ» агентлыгы Конституция судының Россия составына яңа төбәкләр кабул итү турындагы халыкара килешүләрнең РФ Конституциясенә тәңгәл килүен тануы турында элегрәк хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз