Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Әкият» гастрольләргә җыена
«Әкият» гастрольләргә җыена
(Казан, 2 февраль, «Татар-информ», Рәсилә Кәримова). Казанның «Әкият» курчак театры февральнең 6 сыннан 20 сенә кадәр Татарстанның Актаныш, Мөслим һәм Сарман районнарына гастрольләргә җыена. Ике атна дәвамында труппа авылларда яшәүче нәни тамашачыларына Абдулла Алиш әсәре буенча куелган «Сер тотмас үрдәк» әкиятен тәкъдим итәчәк. Алдагы айларда театр шушы ук спектакль белән Яшел Үзән, Биектау, Балтач, Кукмара, Саба, Питрәч, Лаеш, Чүпрәле, Буа һ.б. районнарда да чыгыш ясарга җыена.
Җитмеш еллык зур тарихы булган «Әкият» Татар дәүләт курчак театры Россиядә һәм чит илләрдә үткәрелгән күп кенә фестивальләрдә дә актив катнашып килә. Узган ел ул Белоруссиянең Брест шәһәрендә узган IX Халыкара «Ала карга» фестивалендә чыгыш ясады. Шулай ук театр Татарстанның кайбер районнарында яшь тамашачыларны сөендерергә дә өлгерде. Моннан тыш ул Франция, Төркия һәм Алманиянең кайбер шәһәрләрендә, шулай ук Россиянең Рязань, Владимир, Самара, Ижау, Чабаксар, Ульяновски һәм Ырынбур калаларында да гастрольләрдә булды.
Әкиятлеләр быел да нәниләр өчен өр-яңа бүләк әзерли. Ул – Равил Бохараевның «Сказка о двух монетах» дип аталган әкияте. Әлеге әкиятнең премьерасы театр тарафыннан март аенда планлаштырыла.
Кызыклы яңалыкларны күзәтеп бару өчен Телеграм-каналга язылыгыз