Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның К.Маркс урамында «Коронавируска каршы көрәш чоры» арт-объекты барлыкка киләчәк
Казанда «Коронавируска каршы көрәш чоры» дип аталган күләмле композиция әзерләү буенча бәйге башлана. Шәһәр Башкарма комитетының шул хактагы карары бүгенге Документлар һәм муниципаль хокукый актлар җыентыгында дөнья күргән.
Арт-объект Казанның Вахитов районында, Чехов, Карл Маркс һәм Лейтенант Шмидт урамнары арасындагы медицина хезмәткәрләре скверында урнашыр дип көтелә.
Конкурс 10-24 ноябрь көннәрендә уза, заявкалар 10 октябрьдән 13 ноябрьгә кадәр кабул ителәчәк. Гаризаларны 14-20 ноябрьдә караячаклар, 21-23 ноябрьдә жюри утырышы була. Җиңүче 24 ноябрьдә игълан ителәчәк.
Бәйгедә җиңүчене 100 мең сум күләмендә акчалата бүләк көтә. Әгәр жюри берничә җиңүчене сайлап алса, әлеге сумма алар арасында тигезләп бүленәчәк.
Кызыклы яңалыкларны күзәтеп бару өчен Телеграм-каналга язылыгыз