Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанлыларны «Манзара» Идел буе халыклары мәдәнияте фестиваленә чакыралар
5 июньдә Казанның Иске Татар бистәсендә Идел буе төбәкләренең әкияти фольклоры темасына беренче «Манзара» урам биюе һәм театры фестиваль-конкурсы узачак. Фестиваль кунакларын Татарстан иҗат төркемнәреннән театральләштерелгән бию куелышлары, кечкенә һөнәрчелек остаханәләре һәм күчмә милли фотосурәткә төшү зонасы көтә, дип хәбәр иттеләр Шәһәрнең тарихи бистәләрен үстерү буенча дирекциясендә.
Иске Татар бистәсе мәйданчыгында Идел буе халык иҗаты һәм һөнәрчелеге ярминкәсе оештырылачак, балалар өчен әкияти уен мәйданчыгы һәм остаханә эшли башлаячак.
Идел буе халыклары мәдәниятен карарга һәм тарихи мохиткә чумарга теләүчеләрне Каюм Насыйри урамында 11:00 сәгатьтән 22:00 сәгатькә кадәр көтәчәкләр. Чарага керү ирекле.
Проект Казанның тарихи бистәләрне үстерү дирекциясе (элек «Тарихи мохит» муниципаль бюджет учреждениесе дип аталган), Татарстан Республикасы Яшьләр гвардиясе һәм Татарстан Республикасы Яшьләр эшләре министрлыгы ярдәмендә балалар һәм яшьләр өчен физик затлар арасында Республика грант конкурсы кысаларында социаль әһәмияткә ия проект буларак гамәлгә ашырыла.
Кызыклы яңалыкларны күзәтеп бару өчен Телеграм-каналга язылыгыз