Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Яһүд музыкасы IV халыкара фестивале була
Ул халыклар арасында тынычлык һәм дуслыкны ныгыту максатыннан, гамәлгә ашырылган проект
(Казан, 2 сентябрь, “Татар-информ”). Иртәгә Казанда Яһүд музыкасы IV халыкара фестивале була. Татарстан башкаласының Профсоюз урамында open air форматында үткәреләчәк бу мәдәни чара сәгать 15.00 дә ачылыр дип көтелә.
Концерт программасы “Симха” ансамбле ачып җибәрәчәк, анардан соң исә Израильнең танылган барды Ханан Йовель, Казан консерваториясенең Ринат Халитов җитәкчелегендәге “Tatarica” оркестры, “Казан егетләре” төркеменең дә тамашачы каршында чыгыш ясаячак.
Авторлык җырларын Мәскәүдән килгән “Ойфн ве” (“Юлда”) дуэты тәкъдим итәчәк. Традицион һәм заманча клезмер белән исә Көнбатыш Украинадан килгән “Варничкес” иҗат төркеме таныштырачак. Сәхнәдә шулай ук Казан консерваториясе триосы һәм Грузиянең “Шир” ансамблен дә күрергә мөмкин булачак, дип хәбәр итә оештыручылар. Кичке программада виртуоз торбачы Вадим Эйленкриг, “Зайтгезунд” (Брянск) клезмер коллективы, “Gefilte Drive” Израиль төркеме чыгыш ясар дип көтелә.
Казанда Яһүд музыкасы халыкара фестивале халыклар арасында тынычлык һәм дуслыкны ныгыту максатыннан гамәлгә ашырылган проект.
Кызыклы яңалыкларны күзәтеп бару өчен Телеграм-каналга язылыгыз