Мәдәният 21 май 2015 12:36

Казанда В.И.Ленинның музей-йорты яңа экспозиция белән ачыла

1937 елда оешкан музейга реконструкция ясалды

Скопировать ссылку

(Казан, 21 май, “Татар-информ”). Иртәгә, 22 майда сәгать көндезге 1дә, Казанда В.И.Ленинның музей-йорты, реконструкциядән соң, яңа экспозиция белән ачыла.

1937 елда барлыкка килгән музей мәдәни әһәмияткә ия булган объектларның берсе булып тора. Дүрт ел барган реконструкция эшләре иске Казанның – XIX гасырның икенче яртысының агач шәһәр утарының матур урыннарын сакларга булышкан, дип хәбәр итә ТР Милли музее матбугат хезмәте.

Совет заманында туганнарының истәлекләре буенча төзелгән интерьерлар да яңа әйберләр белән тулыландырылган, алар Ульяновлар тормышын Россиядә яшәгән XIX гасыр зыялыларының гаилә культурасы үрнәге буларак кабул итәргә булыша.

Музейда электрон экспозиция булдырылган, ул киңлек бүлекләрен һәм комплексларын тематик яктан тулыландырырга ярдәм итә, сенсор киоскларын, фоторамкалар һәм электрон инсталляцияләрне үз эченә ала.

Музей Ульянов-Ленин ур., 58 адресы буенча урнашкан. Эш вакыты 10.00 сәгатьтән 17.00 сәгатькә кадәр, ял көне – дүшәмбе.

Сәхифәләр

Казанда В.И.Ленинның музей-йорты яңа экспозиция белән ачыла