Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда урам музыкантлары чыгыш ясау өчен мәйданчыкларны тавыш дәрәҗәсе буенча бүлделәр
Татарстан башкаласында урам музыкантлары чыгыш ясау өчен мәйданчыклар рөхсәт ителгән тавыш дәрәҗәсе буенча өч категориягә бүленде. Шәһәр башкарма комитетының шул хактагы карары муниципаль хокукый актлар интернет басмасында урнаштырылган.
Музыкаль мәйданчыкларда тавыш (шау-шу) дәрәҗәсе 90 децибелга кадәр рөхсәт ителә. Аларда тавыш көчәйткеч җиһазлардан файдаланырга ярый.
Музыкаль-акустик мәйданчыкларда исә тавыш дәрәҗәсе 60 децибелга кадәр рөхсәт ителә. Аларда тавыш көчәйткеч җиһазларны портатив колонкалар яки комбокөчәйткеч рәвешендә файдаланырга ярый. Моннан тыш, мондый урыннарда акустик бәрмә җайланмалар һәм бердән дә артык бакыр тынлы уен коралы куллану тыела.
Үз чиратында, акустик мәйданчыкларда тавыш көчәйткеч, бәрмә җайланмалардан һәм аларның компонентларыннан (барабан һәм тәлинкәләр), шулай ук бакыр тынлы уен коралларыннан файдаланырга рөхсәт ителми.
Кызыклы яңалыкларны күзәтеп бару өчен Телеграм-каналга язылыгыз