news_header_top
16+
news_header_bot
news_top

Казанда “Тормышта батырлыкка һәрвакыт урын бар” дигән өч буын очрашуы уза

Ул Бөек Ватан сугышында Җиңүнең 65 еллыгына багышланган

(Казан, 18 март, “Татар-информ”). Бүген “Мир” кинотеатрында “Тормышта батырлыкка һәрвакыт урын бар” дигән өч буын очрашуы уза. Ул Бөек Ватан сугышында Җиңүнең 65 еллыгына багышланган.
Очрашуда Бөек Ватан сугышы ветераннары, ветеран-әфганчылар, “Бердәм Россия” партиясенең Идел буе районы беренчел район бүлеге сәяси советы секретаре, Казан шәһәр Думасында “Бердәм Россия” фракциясе җитәкчесе Надыйр Хәйруллин, Казан шәһәр Думасы депутатлары, Казанның Идел буе районы Яшьләр советы әгъзалары, вуз студентлары һәм техникумда укучылар катнаша.
Чара кысаларында очучы – “Кандагар” фильмының баш герое прототибы Газинур Хәйруллин белән очрашу, “Кандагар” фильмын карау һәм аның хакында фикер алышу, Бөек Ватан сугышы ветераннарының чыгышлары планлаштырылган. Бу хакта “Бердәм Россия” Бөтенроссия сәяси партиясенең Татарстан төбәк бүлеге матбугат хезмәте хәбәр итә.




news_right_1
news_right_2
news_bot