news_header_top_970_100
news_header_bot_970_100

Казанда Назарбаев урамын реконструкцияләгәндә Кабан аша салынган җәяүлеләр күпере сүтелде

Казанда Нурсолтан Назарбаев урамын реконструкцияләү барышында Кабан күле яр буендагы җәяүлеләр күперен өлешчә сүттеләр. Бу хакта «Татар-информ»га ТР Транспорт һәм юл хуҗалыгы министрлыгының матбугат хезмәтендә хәбәр иттеләр.

Кабан күле аша күпер салу белән Нурсолтан Назарбаев урамын реконструкцияләү эшләрен башкаруга «Күпер һәм юллар» ҖЧҖ белән дәүләт контракты төзелде. Контракт бәясе 1,1 млрд сум дип бәяләнә.

Документлар нигезендә, реконструкцияләнә торган участокның гомуми озынлыгы 430 метрдан артык. Биредә иске күпер сүтелә, мәйданчык әзерлиләр һәм яңасын төзиләр. Моннан тыш, күпергә алып бара торган Нурсолтан Назарбаев урамындагы юлларны реконструкцияләү турында да сүз бара.

Дәүләт контракты буенча эшләрне 2024 елның 25 ноябренә кадәр тәмамлау планлаштырыла. Июнь аенда 5 мең тонна ком әзерләнгән, бу хакта «Татар-информ» хәбәр иткән иде.

news_right_column_1_240_400
news_right_column_2_240_400
news_bot_970_100