news_header_top_970_100
news_header_bot_970_100

Казанда ике бала һәм аларның әнисе сөрем газы белән агуланганнан соң җинаять эше ачылды

Кичә Казанның Беломорск урамындагы йортларның берсендә фатирда ике бала һәм аларның әнисе сөрем газы белән агуланган. Шул сәбәпле, Тикшерү комитеты «Иминлек таләпләренә җавап бирми торган хезмәт күрсәткән өчен» маддәсе буенча җинаять эше кузгаткан.

Тикшерү мәгълүматлары буенча, бу хәлгә кадәр гаилә башлыгы полициягә мөрәҗәгать иткән. Ул фатирда үзенең, хатынының хәле начарлануы, ә 14 һәм 16 яшьлек балалары аңын югалтуы турында хәбәр иткән. Әлеге хәл килеп чыгу сәбәпләре ачыклана, тикшерү дәвам итә. Бу турыда Россия Тикшерү комитетының Татарстан буенча Тикшерү идарәсе хәбәр итә.

«Татар-информ» хәбәр иткәнчә, ике бала һәм аларның әнисе Казанда фатирда сөрем газы белән агуланганнан соң прокуратура тикшерү башлаган.

news_right_column_1_240_400
news_right_column_2_240_400
news_bot_970_100