Казанда «Әдәби фест» дип аталган өч көнлек әдәби фестиваль башлана
Скопировать ссылку
Казанда «Әдәби фест» дип аталган өч көнлек әдәби фестиваль башлана. Чараны Татарстан Язучылар берлеге оештыра. Төп партнер — Бөтендөнья татар яшьләре форумы. Бу хакта Татарстан Милли китапханәсе хәбәр итте.
Өч көн дәвамында – 9-11 октябрьдә Татарстан Республикасы Милли китапханәсе мәйданында әдәбият, музыка, кино һәм театр сәнгатьләре очрашачак.
Фестиваль программасында:
- әдәби маркет;
- лекторий;
- балалар почмагы;
- фильм карау;
- иммерсив спектакль;
- китап алмашу — буккроссинг;
- шигъри-музыкаль кичәләр.
