news_header_top_970_100
16+
news_header_bot_970_100

Казан янында теплоход төпкә утырганнан соң транспорт прокуратурасы тикшерү башлады

Казанның Елга портыннан чыккан вакытта «Восход-51» теплоходы төпкә утырганнан соң транспорт прокуратурасы тикшерү эшен башлады. Урынга транспорт прокуроры һәм Казан транспорт полициясе тикшерүчеләре, шулай ук Россия Тикшерү комитеты Үзәк төбәкара транспортта тикшерү идарәсенең Казан транспортта тикшерү бүлеге хезмәткәре юл тотты.

«Транспорт прокуратурасы әлеге хәлнең сәбәпләрен тикшерәчәк, кирәк булса тиешле чаралар күрәчәк. Вазгыять Идел буе транспорт прокуратурасы контролендә», - дип хәбәр итте Идел буе транспорт прокурорының өлкән ярдәмчесе Роман Ламинский.

«Татар-информ» агентлыгы Казанның Елга порты янында Татарстан башкаласыннан Зөя утравына юл тоткан «Восход-51» теплоходының төпкә утыруы хакында элегрәк хәбәр иткән иде.

autoscroll_news_right_240_400_1
autoscroll_news_right_240_400_2
news_bot_970_100