news_header_top_970_100
16+
news_header_bot_970_100

Казан үзәгендә өч машина бәрелешкән, зыян күрүчеләр бар

Бүген Казанның Гоголь һәм Горький урамнары киселешендә иртәнге сәгать уннар тирәсендә юл-транспорт һәлакәте булган.

«Татар-информ»га Шәһәр автоинспекциясендә хәбәр итүләренчә, берьюлы өч автомобиль – Hyundai Getz, Hyundai Greta һәм такси Hyundai Solaris бәрелешкән.

Көчле бәрелүдән ике машина юлдан тротуарга чыгып китеп, чак кына бинага килеп бәрелмәгән.

«Юл-транспорт һәлакәтендә такси пассажиры зыян күргән. Аның аягы җәрәхәтләнгән. Урында автоинспекторлар эшли, бу хәлнең шартлары билгеләнә», – дип аңлаттылар Казан ЮХИДИендә.

autoscroll_news_right_240_400_1
autoscroll_news_right_240_400_2
news_bot_970_100