Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан милиционерлары Ураза бәйрәмен билгеләп үтте
Бәйрәмдә республиканың баш Дәүләт автоинспекторы Рифкать Миңнеханов та катнашты
(Казан, 9 сентябрь, «Татар-информ», Артур Еникеев). Бүген бөтендөнья мөселманнары Ураза бәйрәмен билгеләп үтә.
Әлеге уңайдан Татарстан Республикасы Эчке эшләр министрлыгының мемориаль-культ үзәгендә тантаналы чара узды. Эчке эшләр органнарының 70 ветераны һәм милиционерлар алдында Хәтер мәчете имам-хатыйбы Харис хәзрәт Салихҗан бәйрәм намазы укыды. Бәйрәмдә катнашучылар арасында ТР Эчке эшләр министрлыгы бүлекчәләре җитәкчеләре, аерым алганда, республиканың баш Дәүләт автоинспекторы Рифкать Миңнеханов та бар иде.
Иң элек имам үсеп килүче буынны рухи һәм әхлакый яктан тәрбияләү турында вәгазь укыды. Аннары Татарстан эчке эшләр министры Әсгать Сәфәровның котлавын ирештерде. Бәйрәм ахырында Хәтер мәчете имам-хатыйбы гаеткә җыелучыларны мохтаҗларга ярдәм итәргә чакырды. “Бары тик шул очракта гына дөньяны яктырак һәм чистарак итәргә мөмкин”, - дип ассызыклады Харис хәзрәт.
Кызыклы яңалыкларны күзәтеп бару өчен Телеграм-каналга язылыгыз