news_header_top_970_100
news_header_bot_970_100

Казан белән Уральск арасында сезонлы автобуслар йөриячәк

Июньдә Казахстан Республикасы Көнбатыш Казахстан өлкәсенең Уральск шәһәреннән Казанга һәм кире юнәлештә автобус сәфәрләре оештырыла.

Сәфәрләр уңайлыклар тудырылган YUTONG маркалы автобусларда оештырыла, аларга 50 кеше сыя. Салонда туалет, кондиционер, уңайлы креслолар, шулай ук телевизор бар. Бу хакта Татарстанның Казахстандагы Тулы вәкаләтле вәкиллегенең матбугат хезмәте хәбәр итә.

Автобус Уральскидан һәр җомга 20.00 сәгатьтә кузгала һәм шимбә 6.00 сәгатьтә Казанга килеп җитә. Татарстан башкаласыннан автобус якшәмбе 18.30 сәгатьтә китә һәм дүшәмбе 8.30 сәгатьтә Уральск шәһәренә барып җитә.

Сәфәрләрне «Көнбатыш Казахстан автобус паркы» ҖЧҖ оештыра. Автобуслар агымдагы елның 10 октябренә кадәр йөриячәк.

news_right_column_1_240_400
news_right_column_2_240_400
news_bot_970_100