Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан автоинспекциясе җәяүлеләрне бәрдергән автомобиль йөртүчеләрне эзли
Казанда машина йөртүчесе җәяүлеләрне бәрдереп, юл-транспорт һәлакәте урыныннан качкан ике очрак ачыкланган.
(Казан, 7 декабрь, “Татар-информ”). Казан дәүләт автоинспекциясе җәяүлеләрне бәргән автомобиль йөртүчеләрне эзли, дип хәбәр итә Россия Эчке эшләр министрлыгы ЮХИДИ идарәсенең Казан бүлеге матбугат хезмәте.
6 декабрьдә 15.00 сәгатьтә Казанның Ибраһимов урамындагы 30 нчы йорт янында әлегәчә ачыкланмаган машина йөртүче 39 яшьлек хатын-кызны бәреп, һәлакәт урыннан качкан. Юл-транспорт һәлакәте нәтиҗәсендә, хатын-кызның сул җилкәсе җәрәхәтләнгән.
Шул ук көнне Танковая урамында 19.30 сәгатьтә Латыш Укчылары тукталышы каршында ачыкланмаган автомобиль йөртүчесе 33 яшьлек җәяүлене бәрдереп качкан. Юл-транспорт һәлакәте нәтиҗәсендә җәяүленең табан сөяге сынып, хастаханәгә озатылган.
Казан дәүләт автоинспекциясе бу һәлакәтләрнең шаһитларын 8(843) 5-333-848 номеры буенча шалтыратырга сорый.
Кызыклы яңалыкларны күзәтеп бару өчен Телеграм-каналга язылыгыз