«Казан» аэропортында буран аркасында өч рейс тоткарланган
Һава аланында пассажирлар белән Федераль авиация кагыйдәләре нигезендә авиакомпания вәкилләре эшли.
Скопировать ссылку
(Казан, 25 март, «Татар-информ»). «Казан» аэропортында буран аркасында өч рейс тоткарланган. Бу хакта «Татар-информ» агентлыгына аэропортның матбугат сәркатибе Гадел Гатауллин хәбәр итте.
«Бүген буран һәм очыш полосасында күз күременең начар булуы сәбәпле, «Казан» Халыкара аэропортында Мәскәү һәм Дүшәнбе рейслары, шулай ук Мәскәүнең «Шереметьево» аэропортына Казаннан планлаштырылган рейс тоткарланды», - диде Гатауллин.
Ул билгеләп үткәнчә, һава аланында пассажирлар белән Федераль авиация кагыйдәләре нигезендә авиакомпания вәкилләре эшли.