Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Кави - Сәрвәр» операсы авторы Татарстанның Россиядәге Вәкаләтле вәкиллегендә булды
ТР Премьер-министры урынбасары – Татарстанның Россиядәге Вәкаләтле вәкиле Равил Әхмәтшин композитор Миләүшә Хәйруллина белән очрашты. Бу хакта Татарстанның Россиядәге Вәкаләтле вәкиллеге матбугат хезмәте хәбәр итә.
Бер ай элек Казанда яшь композиторның «Кави - Сәрвәр» операсының премьерасы булды. Әлеге әсәр язучы Кави Нәҗми һәм аның хатыны – тәрҗемәче Сәрвәр Әдһәмованың язмышына багышланган.
Очрашуда язучының оныгының улы, Россия Тышкы эшләр министрлыгының Яшь дипломатлар советы рәисе Константин Колпаков, шулай ук Татарстанның Россиядәге Вәкаләтле вәкиле урынбасары Эмиль Фәйзуллин да катнашты.
Равил Әхмәтшин опера турында күп кенә уңай фикерләр ишетүен әйтте. Очрашуда катнашучылар Казан тамашачысы яратып кабул иткән әсәрне Мәскәүдә тәкъдим итү, шулай ук Миләүшә Хәйруллинаның Татарстан Вәкаләтле вәкиллеге оештырган чара һәм проектларда катнашу мөмкинлеге хакында фикер алышты.
Миләүшә Хәйруллина Н.Җиһанов исемендәге Казан дәүләт консерваториясен тәмамлаган, хәзерге вакытта П.Чайковский исемендәге Мәскәү дәүләт консерваториясендә белем ала. Искәртеп үтәбез, узган елның мартында ул үз операсы белән «Партитура» Бөтенроссия яшь композиторлар бәйгесендә җиңү яулады.
Кызыклы яңалыкларны күзәтеп бару өчен Телеграм-каналга язылыгыз