Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иркутск өлкәсенең Чуна бистәсендә тәравих намазын яңа мәчеттә үткәрергә җыеналар
Иркутск өлкәсенең Чуна бистәсендә мәчет төзелә. Аның ачылышы Рамазан аена планлаштырылган. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.
2022 елның октябрендә администрация бистә үзәгендә мәчет өчен 250 квадрат метр мәйданлы бина бүлеп биргән. Иркутск өлкәсе мөфтие Фәрит Мингалиев фатихасы белән бистә мөселманнары Аллаһ йортын уртак тырышлык белән төзекләндерә. Хәзерге вакытта бинада эчке якны төзекләндерү эшләре тәмамлана.
Рамазан аенда ук яңа мәчеттә тәравих намазын үткәрү планлаштырыла.
Иркутск өлкәсенең «Чуна бистәсе мөселман җәмгыяте» җирле дини оешмасы 2022 елның апрелендә теркәлгән. Әлеге бистәдә яшәүче Нуртын Низамовны бистә мөселманнары бертавыштан җитәкче итеп сайлады. Аның әти-әнисе чыгышы белән Татарстаннан. Җәмгыять Россия мөселманнары Дини җыены Үзәкләштерелгән дини оешмасының «Байкал мөфтияте» структура бүлекчәсенә керде.
«Чуна бистәсенең мөселман җәмгыяте» хәйрия проектларында катнаша, фәкыйрьләргә һәм мохтаҗларга ярдәм күрсәтә, җомга һәм бәйрәм намазлары үткәрә, агарту эшләре алып бара.
Төзелеш эшләрен тәмамлау өчен җәмгыятькә ярдәм кирәе, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз