news_header_top_970_100
news_header_bot_970_100

Ипотека кредиты бирүгә бәйле мәсьәләләр РИА “Новости” һәм “Татар-информ” агентлыгы арасындагы видеокүпернең төп темасы булачак

Видеокүпер Мәскәү, Санкт-Петербург, Түбән Новгород, Казан, Екатеринбург һәм Новосибирскины тоташтырачак

(Казан, 1 март, «Татар-информ»). Бүген 13.00 сәгатьтә оештырылучы видеокүпер Мәскәү, Санкт-Петербург, Түбән Новгород, Казан, Екатеринбург һәм Новосибирскины тоташтырачак. Видекүпер “ВТБ24 банкының ипотека кредиты бирүгә ярдәм күрсәтү буенча дәүләт программаларында катнашуы” дигән темага багышлана.
Видеокүпердә катнашырга теләк белдергән гаммәви мәгълүмат чаралары вәкилләрен “Татар-информ” агентлыгы офисында (Декабристлар урамы, 2 йорт, 12 кат) көтеп калалар. Белешмәләр өчен телефон: 8917-906-26-87.
Әңгәмәдә банкның Санкт-Петербург, Түбән Новгород, Казан, Екатеринбург һәм Новосибирскидагы төбәк бүлекчәләре җитәкчеләре, шулай ук Мәскәүдән президент урынбасары - идарә рәисе, ВТБ24 ипотека кредиты департаменты директоры Анатолий Печатников катнаша.
Видеокүпердә катнашучылар ВТБ24 банкының ипотека кредиты бирүгә ярдәм күрсәтү буенча дәүләт программаларында катнашуы; ипотека кредиты базарындагы вәзгыятькә анализ, базар үсешен фаразлау; ВТБ24 банкының 2010 елда ипотека базарындагы эшчәнлек нәтиҗәләре, 2011 елның тәүге айларына нәтиҗәләр; ВТБ24 банкының продуктлар линейкасындагы үзгәрешләр дигән темалар хакында фикер алышачак.
Гаммәви мәгълүмат чаралары вәкилләренең сорауларына Казанда “Татарстанда ВТБ24 банкы” төбәк операция офисы идарәчесе Равил Шәрәфетдинов һәм ипотека кредиты бүлеге башлыгы Ленар Сәяхов; Екатеринбургта – ВТБ24 банкының Екатеринбургтагы филиалы идарәчесе Сергей Кульпин; Түбән Новгородта – ВТБ24 банкының “Түбән Новгород” төбәк операция офисы идарәчесе Георгий Гречин һәм ипотека кредиты бүлеге башлыгы Сергей Олонцев; Новосибирскида – ВТБ24 банкының Новосибирскидагы филиалы идарәчесе Александр Павленок; Санкт-Петербургта ВТБ24 банкының Санкт-Петербургтагы филиалы идарәчесе Михаил Иоффе җавап бирәчәк.


 

news_right_column_1_240_400
news_right_column_2_240_400
Медиаметрикс
news_bot_970_100