Видео: Тукай районында нефть ташый торган йөк машинасы ауган

Цистернадан 400 литр нефть аккан.

(Казан, 30 октябрь, «Татар-информ»). Тукай районында нефть ташый торган йөк машинасы ауган. Бу хакта "Татар-информ"га Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.

Һәлакәт хакындагы хәбәр 112 номерына кичә 20 сәгать 04 минутта килеп ирешкән.

Цистернадан 400 литр нефть түгелгән.

Һәлакәт урынына Яр Чаллы янгын сүндерү-коткару гарнизонының оператив төркеме, ЮХИДИ һәм медицина хезмәткәрләре килгән.

Һәлакәттә зыян күрүчене янгын сүндерүчеләр һәм коткаручылар гидравлика җиһазлары ярдәмендә чыгарган, беренче ярдәм күрсәткән һәм медицина хезмәткәрләренә тапшырган.