Чаллыда бер яшьлек бала өстенә чәйнек белән кайнар су әйләндереп каплаган

Тәне пешкән баланы Чаллының Кама балалар медицина үзәгенә озатканнар.

(Казан, 30 октябрь, «Татар-информ»). Чаллыда бер яшьлек бала өстенә бер чәйнек кайнар су әйләндереп каплаган, дип хәбәр итә «Челнинские известия».

Газета язуынча, әлеге күңелсез хәл кичә Яңа шәһәрдәге фатирларның берсендә килеп чыккан. Тәне пешкән баланы Чаллының Кама балалар медицина үзәгенә озатканнар. Хәзерге вакытта ул хирургия бүлегендә дәвалана.