Чулманда аерылып киткән боз кисәгеннән биш кешене коткарганнар

Коткарылган кешеләр үзләрен яхшы хис итә, бары балага гына медицина ярдәме кирәк булган.

(Казан, 29 апрель, “Татар-информ”). Коткаручылар Чулман елгасында аерылып киткән боз кисәгеннән биш кешене коткарганнар. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

17.31 минутта бердәм 112 номеры экстрен диспетчерлык хезмәтенә Менделевск районының Бизәк авылы тирәсендә Чулман елгасында ярдан биш кеше, шул исәптән бер хатын-кыз һәм бала булган боз кисәге аерылып китү турында хәбәр килеп ирешкән.

Шаһитлар сүзләре буенча, боз кисәге 300 гә1000 метр чамасы булган. Шул ук вакытта ул гел вак кисәкләргә кителеп төшә барган.

18.00 сәгатьтә урынга 6 номерлы янгын сүндерү-коткару бүлеге хезмәткәрләре, җирле халык килгән. 18.40 сәгатьтә балыкчыларны көймәләргә алганнар һәм ярга алып чыкканнар.

Коткарылган балыкчылар Удмуртия кешеләре булып чыккан. 43 һәм 63 яшьлек ике ир туган, аларның 60 яшьлек апалары, аның 61 яшьлек ире һәм 14 яшьлек оныклары булган. Кунакка килеп алар, бозда торып, балык тотарга уйлаганнар. Әмма боз аерылып, йөзеп киткән.

Коткарылган кешеләр үзләрен яхшы хис итә, бары балага гына медицина ярдәме кирәк булган. Аны өшү сәбәпле Менделеевск үзәк район хастаханәсенә озатканнар.