Республикада давыллы җил вакытында 13 машина җимерелгән, 29 агач ауган

Бер көн эчендә ашыгыч хезмәтләр чакыру өчен бердәм 112 номерына 250дән артык хәбәр килгән.
(Казан, 28 октябрь, «Татар-информ»). Татарстанда көчле җил вакытында 13 автомобиль зыян күрде һәм 29 агач ауды. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.Көндезге сәгать унбердән башлап ашыгыч хезмәтләрне чакыру өчен 112 бердәм номерына көчле җил белән бәйле гадәттән тыш хәл турында 250дән артык хәбәр килде. Мәсәлән, 26 меңнән артык кеше яшәгән 75 торак пунктта электр белән тәэмин итү өлешчә өзелгән. Хәзерге вакытта 9 торак пунктта ут юк, аларда 11 меңнән артык кеше яши.«Татар-информ» мәгълүмат агентлыгы элек хәбәр иткәнчә, республикада давыллы җил аркасында берничә бинаның түбәсе каерылган. Казанда Дементьев һәм Каучук урамнарындагы биналарның, шулай ук Әгерҗедәге Пенсия фонды һәм республиканың Әтнә районындагы мәктәп түбәләре җимерелгән.