Казан шәһәренең Мәскәү районында трамвайга ут капкан

Коткару хезмәткәрләре, өч минуттан урында булып, янгынны тиз арада сүндергән.

(Казан, 28 август, "Татар-информ"). Казан шәһәренең Мәскәү районында Икенче Көньяк-Көнбатыш урамында трамвай яна башлаган, дип хәбәр иттеләр "Татар-информ"га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.

Гадәттән тыш хәл турындагы 12.04 сәгатьтә Казандагы 112 бердәм ашыгыч хезмәтләр чакыру номерына хәбәр ителә.

3 нче янгын-коткару бүлеге хезмәткәрләре, өч минуттан урында булып, янгынны тиз арада сүндергән. Фаҗига аркасында сәламәтлегенә зыян килүчеләр булмаган.