Мамадыш районында каты көнкүреш калдыклары полигонын талаганнар

Җинаятьчеләр эзләнелә.

(Мамадыш, 26 октября, «Татар-информ», "Нократ"). Мамадыш районында каты көнкүреш калдыклары полигонын талаганнар, дип яза җирле басма.

Явыз ниятле кешеләр Кляуш авыл җирлеге территориясендәге полигонның металл корылмаларын тулысынча алырга булганнар. Караклар тимер сеткадан тыш металл баганаларны да казып алганнар.

Хокук саклау органнарында шактый зыян китерелүе турында белдерделәр. Җинаятьчеләр эзләнелә.