Мамадыш районында "Лада Гранта" машинасы юл кырыена төшкән

Һәлакәт нәтиҗәсендә машина йөртүче һәм аның 30 яшьлек пассажиры зыян күргән.
(Казан, 27 май, "Татар-информ"). Мамадыш районында Башкортстаннан булган "Лада Гранта" машинасы кюветка төшкән.  Бу хакта "Татар-информ" мәгълүмат агентлыгына Россиянең ТР буенча Гадәттән тыш хәлләр министрлыгының матбугат хезмәте хәбәр итте.  Юл һәлакәте кичә кич Мәскәү-Уфа трассасының 956нчы чакырымында була. "Лада Гранта" машинасының 30 яшьлек йөртүчесе идарәне югалтып, юл кырыена төшә һәм әйләнеп каплана.   Һәлакәт нәтиҗәсендә машина йөртүче һәм аның 30 яшьлек пассажиры зыян күргән.  Бәхетсезлек очрагы урынына килгән 5нче номерлы зональ эзләүнү-коткару отряды хезмәткәрләре машинаның аккумуляторын сүндергән һәм медицина хезмәткәрләренә зыян күрүчеләргә беренче ярдәм күрсәтергә булышкан.