Хәвеф-хәтәр 26 ноябрь 2020 18:47

Элеккеге хатынының дустын балта белән үтергән Чаллы кешесе хатынны да эзәрлекләгән

Якын арада ир-атка элеккеге хатынын үтерергә омтылуда да гаеп белдереләчәк.

Скопировать ссылку

(Казан, 26 ноябрь, «Татар-информ»). Элеккеге хатынының дустын балта белән үтергән Чаллы кешесе хатынны да үтерергә теләгән. Якын арада аңа үтерү омтылышы буенча да гаеп белдереләчәк. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Элегрәк «Татар-информ» мәгълүмат агентлыгы Чаллыда көнче ир-атның элеккеге хатынының яңа дустына балта белән ташлануын хәбәр иткән иде. Ир-ат алган җәрәхәтләрдән шунда ук үлә. Шуннан соң Чаллы кешесен тоткарлап, сак астына алалар.

Тикшерү барышында ачыкланганча, ир-атны җәберләгәннән соң, Чаллы кешесе элекке хатынын да үтерергә җыенган. Балта белән коралланып, ул хатын-кызны эзәрлекли башлый, әмма аны травматик пистолет ярдәмендә җинаятьчене куркыткан хезмәттәше коткарып кала.

Чаллы кешесенә карата «Явызларча үтерү» һәм «Кеше үтерергә омтылу» маддәләре буенча җинаять эшләре кузгатылган. Эшне тикшерү дәвам итә.

Сәхифәләр

Элеккеге хатынының дустын балта белән үтергән Чаллы кешесе хатынны да эзәрлекләгән