Яңа Чишмә районында җиңел машина мотоцикл белән бәрелешкән

Һәлакәт Ленино авылы тирәсендә килеп чыккан.

(Казан, 26 сентябрь, "Татар-информ"). Татарстанның Яңа Чишмә районында җиңел машина бишекле мотоцикл белән бәрелешкән. Бу хакта социаль челтәрләрдән файдаланучылар хәбәр итә.

Һәлакәт Ленино авылы тирәсендә килеп чыккан. Юл-транспорт һәлакәте аркасында мотоцикл җимерелгән, бишеге алып атылган. Өстәмә мәгълүматлар ачыклана.