Кукмарада кафе хуҗасы чикләүләр вакытында эшләгән өчен штраф түләячәк

Кукмара суды аңа 30 мең сум күләмендә штраф билгеләде.

(Кукмара, 26 май, «Татар-информ», «Хезмәт даны», Эльвира Мөбәракшина). Кукмарада бер кафе хуҗасы коронавирус белән бәйле чикләүләр вакытында эшләгән өчен штраф түләячәк. Суд 30 мең сум күләмендә штраф түләргә карар чыгарды. Бу хакта Кукмара район судының матбугат хезмәтендә хәбәр итә.

«20 май көнне 10.10 сәгатьтә кафеларның берсендә халыкка азык-төлек продуктларын бина эчендә урнашкан касса зонасы аша саталар. Шулай итеп, касса янына күп кеше җыела, бу санитар-эпидемиологик таләпләрне боза», — дип сөйләделәр район судында.

Кафе хуҗасына карата административ беркетмә төзелде. Кукмара суды аңа 30 мең сум күләмендә штраф билгеләде.