Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда янгында өч кеше һәлак булганнан соң җинаять эше кузгатылган
Ике яшьлек кыз бала исән калган, аңа медицина ярдәме күрсәтелә.
(Казан, 26 гыйнвар, «Татар-информ»). Тикшеручелер башкорт авылында шәхси йортта янгын факты буенча җинаять эше кузгаткан. Янгында өч кеше, шул исәптән бала һәлак булган. Бу хакта республика Тикшерү комитеты сайтындагы хәбәргә сылтама белән РИА Новости хәбәр итә.
Тикшерү мәгълүматлары буенча, шимбә көнне, 25 гыйнварда кичке бишләр тирәсендә Гомәр авылында бүрәнәдән салынган йортта янгын чыккан. Коткаручылар 59 һәм 23 яшьлек ике хатын-кызның, шулай ук 3 яшьлек ир баланың гәүдәләрен тапкан. Ике яшьлек кыз бала исән калган. Ут чыкканны күргән күршеләре аны коткарып кала алган. Хәзер кыз балага медицина ярдәме күрсәтелә.
«Башкортстан Республикасы буенча РФ Тикшерү органнары Ишембай районы Гомәр авылында шәхси торак йортта янгын вакытында өч кешенең үлеме факты буенча (җинаять кодексының 109 маддәсендәге 3 өлешендә каралган (саксызлык аркасында ике һәм аннан да күбрәк кеше үлеменә китерү) җинаять эше кузгатылган, - диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз