Яшел Үзән районында юл-транспорт һәлакәтендә кеше гомере өзелгән

Юл фаҗигасе М-7 трассасында килеп чыккан.

(Казан, 25 октябрь, “Татар-информ”). М-7 автомобиль трассасының 750 нче чакрымында – Яшел Үзән районына караган өлешендә кичә иртән юл-транспорт һәлакәте килеп чыккан. Бу хакта "Татар-информ"га Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итте.

Юл-транспорт һәлакәте Ходяшово тимер юл станциясеннән ерак түгел урында булган – йөртүчесе бозлавыкта идарәне югалткан һәм авыр йөк машинасы юл читенә төшеп киткән.

Бераз вакыт узу белән фураның юл кырыенда калган тагылма арбасына “ВАЗ-2107” автомобиле килеп бәрелгән.

Һәлакәт аркасында җиңел машина йөртүче ир-атның гомере өзелгән. 

видео: соцсети