Татарстан хакимият вәкилләре Иделдәге канунсыз браконьер корылмаларын сүтүгә керешкән

Спас районында приставлар ике агач, ике кирпеч һәм тимердән әйләндереп алган бер йортны юк иткән.

(Казан, 25 октябрь, «Татар-информ»). Спас районында суд карары буенча приставлар Идел утрауларындагы канунсыз браконьер корылмаларын сүтә башлады. Бу хакта Россия Суд приставлары федераль хезмәтенең Татарстан буенча идарәсенннән хәбәр иттеләр.

Рөхсәтсез төзелгән балыкчы йортлары елгада зур булмаган утраучыкларда урнашкан. Биналарның адреслары юк, бары тик координаталары гына бар. Объектларга су буенча гына барып була. Суд приставларына махсус су навигаторы кулланырга туры килгән.

Биналар арасында ике агач, ике кирпеч һәм тимердән әйләндереп алган бер йорт бар. Аларда браконьерлар үзләренең кирәк-яракларын һәм тотылган балыкларын саклаган. Барлык биш объект та сүтелгән, ә калдыклар чыгарылган. Әлеге юнәлештә эшне дәвам итттерәчәкләр.