Татарстанда йөк машинасы һәм җиңел автомобиль бәрелешкәч ике кеше һәлак булган

Авария республиканың Актаныш районында булган.

(Казан, 25 июнь, «Татар-информ»). Бүген иртәнге сигезенче яртыда Актаныш районының Иске Сәфәр авылы янында «КАМАЗ» һәм 10 нчы модельле «Лада» автомобиле бәрелешкән. Фаҗигадә ике кеше һәлак булган.

Бу хакта шаһитлар хәбәр итте.

«Җиңел машинадагы ир-ат һәм хатын-кыз һәлак булган. Машинада тагын кеше булганмы-юкмы — билгесез», — диде шаһитлар.