Соңгы 24 көндә Татарстан биләмәләрендәге юлларда 22 кеше өчен сәфәр фаҗига белән тәмамланган

Кичә Арча районында берәү капланып үлгән

 (Казан, 25 март, “Татар-информ”). Мартның 24 көнендә Татарстан биләмәләрендәге юлларда, транспорт һәлакәтенә юлыгып, 22 кешенең гомере өзелгән, 265е җитди имгәнде, җәрәхәтләнгән, шул исәптән һәлак булучыларның 7се, имгәнүчеләрнең 119ы Казанда бәлагә тарган. ТР буенча ЭЭМның ЮХИДИ идарәсе статистик мәгълүматлары шул хакта сөйли.

Аерым алганда, кичә кичке 8 туларга 25 минутта Арча районында чыккан һәлакәт тә фаҗига белән төгәлләнгән. “Арча – Марий Эл чиге” машина юлының 16 нчы чакрымында “ВАЗ-2121 Нива”зур тизлектә барып, юлдан түбән капланган. Юл йөрү кагыйдәләренең 10.1 пунктын бозу шушы хәлгә китергән дип фаразлана. Рульда булган 1959 елгы ир кеше исә шунда ук үлгән.