Россиядә техник күзәтү узмаган автомобиль белән идарә итү өчен штраф барлыкка киләчәк

Машина йөртүчеләрне транспорт чарасы куркынычсызлык таләпләренә туры килмәгән өчен штрафка тарнтырга ниятлиләр.

(Казан, 24 август, "Татар-информ"). Россиядә техник күзәтү узмаган автомобиль белән идарә итү һәм аның куркынычсызлык таләпләренә туры килмәве өчен штраф барлыкка киләчәк, дип яза "Известия".

Бу хактагы канун проекты норматив хокукый актларының интернет-порталында урнаштырылган. Техник тикшерү узмаган автомобиль белән идарә иткәнгә административ штраф 800 сум тәшкил итәчәк, дип көтелә. Бу җаваплылыкка транспорт чаралары хуҗаларын Россия Эчке эшләр министрлыгы тартачак.