Чаллыда дүрт яшьлек кыз тәрәзәдән егылып төшкән өчен, әти-әнисенә җинаять җаваплылыгы яный

Сабый Чаллыдагы йортта икенче каттагы фатир тәрәзәсеннән узган якшәмбедә егылып төшкән.

(Казан, 24 апрель, «Татар-информ»). Чаллыда тәрәзәдән егылып төшкән дүрт яшьлек кызның әти-әнисенә җинаять җаваплылыгы яный, дип яза «Челнинские известия» газетасы.

Сабый Чаллыдагы йортта икенче каттагы фатир тәрәзәсеннән узган якшәмбедә егылып төшкән. Әти-әниләре ни беләндер мәшгуль булган арада, кыз тәрәзә төбенә менеп, москит челтәренә таянган. Москит челтәре сабыйны «тотып тора» алмаган һәм кыз урамга егылып төшкән.

Хәзер ул хастаханәдә ята.

Кызның әти-әниләре «Ата-ана вазифасын тиешенчә үтәмәү» маддәсе буенча административ яки җинаять җаваплылыгына тартылырга мөмкин.