Әтнә районында караклар саны арткан

Шулай ук мошенниклык очраклары белән бәйле закон бозулар да ешайган.

(Әтнә, 23 октябрь, "Татар-информ", "Әтнә таңы"). Соңгы арада район халкы арасында урлашу кебек начар гадәт белән шөгыльләнүчеләр саны артуы күзәтелә, дип яза җирле басма.

Тикшерүче Марат Әмиров сүзләренә караганда, бүгенге көндә өч урлашу очрагы буенча тикшерү эшләре алып барыла. Аның берсе эш кораллары урлау белән бәйле булса, ике эш күмәк хуҗалык милкен урлашу белән бәйле. Мәсәлән, хуҗалыкларның берсендә каравылчы булмау сәбәпле, фермадан ике бозау урлаганнар. Шулай ук мошенниклык очраклары белән бәйле закон бозулар да ешайган.