Татарстанда ике ир-ат балыкка киткән җирдән әйләнеп кайтмаган

Югалган балыкчыларны эзләү дәвам итә.

(Казан, 23 октябрь, «Татар-информ»). Татарстанда Тукай районының Кырныш авылыннан ике ир-ат 21 октябрьдә төш вакытында Чулман елгасына балык тотарга китәләр һәм 22 октябрьдә туганнары белән элемтәгә чыгудан туктыйлар.

Балыкчыларның югалуы турында якыннары экстрен хезмәтләргә җиткергән.

Югалган балыкчыларны эзләү дәвам итә, дип хәбәр итә Россия Гадәттән тыш хәлләр министрлыгының Татарстан буенча Баш идарәсе.