Казанда боз һәм көчле яңгыр яуганны шаһитлар видеога төшергән

Бүген шәһәрнең Мәскәү районында боз яуды.

(Казан, 23 май, «Татар-информ»). Шаһитлар Казанда боз һәм көчле яңгыр явып киткәнне видеога төшергән. Алар әлеге кадрларны «Татар-информ»га бирде.

Бүген Казанда яшенле көчле яңгыр яуды. Шәһәрнең кайбер районнарында боз яуды. Видеодагы кадрлар Кәҗә бистәсе метро станциясеннән ерак түгел, Ленская һәм Серов урамнары чатында төшерелгән. Моннан тыш, бөтен шәһәрдә көчле җил булуы, көчле яңгыр явуы күренә.