Казанда янгын чыккан йорттан кешеләрне эвакуациялиләр

Янгын сүндерүчеләр җиденче каттан өч кешене махсус битлек кидереп, урамга алып чыккан.

(Казан, 23 апрель, «Татар-информ», Павел Климчак). Казанның Карбышев урамындагы күпфатирлы 62нче торак йортта янгын чыккан. Янгын сүндерүчеләр йортта яшәүчеләрне эвакуацияли. Йортның 7нче һәм 8нче катларын куе төтен баскан.

«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иткәнчә, янгын турында 17.43 сәгатьтә янгын сагы 101 номерына шалтыратканнар.

Йортның ике катында электр щиты янган.

Янгын сүндерүчеләр җиденче каттан өч кешене махсус битлек кидереп, урамга алып чыккан.