Урлаганда кибет сакчысының кул бармагын сындырган яшелүзәнлегә җитди хөкем карары чыгарылган

  (Казан, 22 август, “Татар-информ”). Яшелүзәнле, сагыз урлаганда, кибет сакчысының кул бармагын сындырган.

“27 яшьлек исерек ир Гоголь урамындагы кибеттә сәүдә залыннан ике кап сагызга түләмичә чыкмакчы булган, – дип сөйли прокурорның өлкән ярдәмчесе Елена Савельева. – Әмма аны игътибарлы кибет сакчысы туктаткан. Каршылык күрсәткән ир сакчы хатынның бармагын сындырган”.

Бу ирне суд, ике ел сынау срогы белән, 1 ел да 6 айга ирегеннән мәхрүм иткән, дип белдерә “Яшел Үзән” басмасы.