Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда коронавирус чикләүләренең бер өлеше үз көченә керде
Музейларга, театрларга, кинотеатрларга, клубларга, массакүләм спорт чараларына керү өчен белешмә кирәк була.
(Казан, 22 июнь, «Татар-информ»). Бүгенге көннән Башкортстанда мәдәният һәм спорт учреждениеләренә йөрүгә чикләүләр үз көченә керде.
Мәсәлән, музейларга, театрларга, кинотеатрларга, клубларга, массакүләм спорт чараларына керү бары тик прививка ясаткан, ПЦР-тестның тискәре нәтиҗәсе белән белешмә күрсәткән яки вакцинация үткәрүгә каршы күрсәткечләр турында белешмәсе булган кешеләр өчен генә ачык. Кагыйдәләр 18 яшьтән өлкәнрәкләр өчен гамәлдә.
«Башинформ» хәбәр иткәнчә, республикада битлек режимын һәм дистанцияне үтәүне контрольдә тоту катгыйланган. Кешеләр күпләп җыела торган урыннарда йөрүдән тыелырга киңәш ителде. Бу таләп 2 июльгә кадәр гамәлдә.
29 июньнән әлеге таләпләр җәмәгать туклануы нокталарына, спорт учреждениеләренә, матурлык салоннарына, тулай торакларга, шәһәрара пассажирлар йөртүгә кагылачак.
Элегрәк Башкортстан башлыгы Радий Хәбиров 25 июньгә кадәр республикада дәүләт хезмәткәрләренең кимендә 30 процентына, 2 июльгә 60 процентына коронавирустан вакцина ясауны тәэмин итәргә кушкан иде, бу хакта «Татар-информ» хәбәр итте. Шул ук вакытта Башкортстанда әлегә мәҗбүри вакцинация үткәрергә җыенмыйлар.
Кызыклы яңалыкларны күзәтеп бару өчен Телеграм-каналга язылыгыз