Хәвеф-хәтәр 22 гыйнвар 2020 16:20

Минзәләдә яшәүчеләр исерек килеш машина йөрткән өчен салынган штрафны түләгән

Салмыш килеш автомобиль белән идарә иткән 43 яшьлек ир-атка һәм улына руль артына утырырга рөхсәт иткән әнисенә штраф салганнар.

Скопировать ссылку

(Казан, 22 гыйнвар, «Татар-информ»). Минзәләдә яшәүчеләр исерек килеш автомобиль йөрткән өчен салынган штрафны түләгән. Бу хакта Россия Суд приставлары федераль хезмәтенең Татарстан буенча идарәсе матбугат хезмәтендә хәбәр иттеләр.

Салмыш килеш автомобиль белән идарә иткән өчен 43 яшьлек ир-атка штраф салганнар. Улына шундый хәлдә руль артына утырырга рөхсәт иткән әнисен дә шундый ук җаваплылыкка тартканнар. Хокук бозучылар штрафны түләмәгән.

Нәтиҗәдә, ир-атка карата закон таләпләрен үтәмәгән өчен эш ачканнар. Суд аны өч тәүлеккә кулга алырга, ә «Geely» машинасына арест салу турында карар чыгарган.

Суд карарыннан соң, ир-ат белән әнисе бурычларын тиз арада тулысынча түләгән.

#бурычлылар #суд приставлары #штрафлар

Сәхифәләр

Минзәләдә яшәүчеләр исерек килеш машина йөрткән өчен салынган штрафны түләгән