Казанның ЮХИДИ идарәсе Сафиуллин урамындагы авариянең шаһитләрен эзли

Кичә иртән Сафиуллин урамындагы 30б йорты каршында автобус салонында 47 яшьлек хатын-кыз егылып кулын сындырган.

(Казан, 21 декабрь, «Татар-информ»). Казан шәһәре Дәүләт автоинспекциясе Сафиуллин урамындагы авариянең шаһитләрен эзли. Бу хакта шәһәрнең ЮХИДИ идарәсе хәбәр итә.

Кичә иртән Сафиуллин урамындагы 30б йорты каршында автобус салонында 47 яшьлек хатын-кыз егылып кулын сындырган. Автобус шоферы авария булган урыннан качып киткән.

Казанның ЮХИДИ идарәсе әлеге юл һәлакәтен үз күзләре белән күргән кешеләр булса, (843) 5-333-819, 5-333-848 телефоннары буенча хәбәр итүләрен сорый.